सोलापूर : प्रतिनिधी
Multi-District Badminton tournament : एस शटलर्स बॅडमिंटन अकॅडमी आणि सोलापूर डिस्ट्रीक्ट बॅडमिंटन असोसिएशनतर्फे घेण्यात आलेल्या “योनेक्स सनराईज महाराष्ट्र स्टेट ओपन मल्टिडिस्ट्रीक्ट बॅडमिंटन स्पर्धेत सोलापूरचा आदित्य सगर विजयी झाला.
या स्पर्धा सुयश गुरूकुलच्या बॅडमिंटन हॉल, सोरेगांव येथे 21 ते 25 डिसेंबर रोजी पार पडल्या. या स्पर्धेत सोलापूरसह सातारा, सांगली, कोल्हापूर, धाराशिव, छ. संभाजी नगर, लातूर, नांदेड, अहमदनगर या 9 जिल्ह्यातील स्पर्धकांनी सहभाग नोंदवला होता. या स्पर्धेमध्ये सोलापूरच्या उत्कर्ष शिलवंत बॅडमिंटन अकॅडमिचा आदित्य सगर याने 13 वर्षे वयोगटातील मुलांमध्ये अंतिम फेरी गाठत साताऱ्याचा नील दिक्षीत याचा सरळ सेट मध्ये पराभव करत विजय मिळवला.
आदित्य सगर ला उत्कर्ष शिलवंत बॅडमिंटन अकॅडमीचे प्रशिक्षक उत्कर्ष शिलवंत व प्रशिक्षीका आयमन यांचे मोलाचे मार्गदर्शन लाभले. या यशाबद्दल आदित्य सगरचे सर्व स्तरातून कौतुक होत आहे.
