लातूर : प्रतिनिधी
ग्रामीण रुग्णालय, किल्लारी (ता. औसा, जि. लातूर) येथील गट-अ वैद्यकीय अधिकारी यांना 18 एप्रिल 2025 रोजी किल्लारी पोलीस स्टेशनमध्ये मारहाण झाली. या झालेल्या मारहाणीचा निषेध आम्ही कास्ट्राईब राजपत्रीत वैद्यकीय अधिकारी संघ महाराष्ट्र राज्य तर्फे तीव्र शब्दांत करतो. आणि यापुढे वैद्यकीय अधिकाऱ्यांवरील अन्याय कधीही खपवून घेणार नाही, असा इशारा कॅगमो राज्याध्यक्ष डॉ. दत्ता तपसे यांनी दिला आहे.
हे ही वाचा ‘इंदिरा आयव्हीएफ’च्या सर्व सेंटर्सवर तत्काळ बंदी आणून तनिषा भिसेंना न्याय द्या
यावेळी राज्याध्यक्ष डॉ. दत्ता तपसे म्हणाले की, ही घटना केवळ एका डॉक्टरवर झालेला हल्ला नसून, ती संपूर्ण वैद्यकीय व शासकीय सेवेत कार्यरत कर्मचाऱ्यांच्या सुरक्षिततेवर गंभीर परिणाम करणारा हल्ला आहे. त्यामुळे याची तातडीने चौकशी करून कठोर पावले उचलण्याची गरज आहे. आज एका वैद्यकीय अधिकाऱ्यावर वेळ आली आहे. भविष्यात कोणत्याही वैद्यकीय अधिकाऱ्यांवर अन्याय व हल्ले होऊ नयेत. याकरीता शासनाने उपाययोजना कराव्यात. सदरील डॉक्टरांना न्याय न मिळाल्यास आंदोलन उभारले जाईल. जनतेचे जीव वाचवणाऱ्या जीवांचे रक्षण व्हावे, हीच मागणी कॅगमो संघटनेची आहे. लवकरच या घटनेचा पाठपुरावा मंत्रालय मुंबई येथे करण्यात येईल, असेही कॅगमो राज्याध्यक्ष डॉ. दत्ता तपसे, सचिव डॉ. निलेश भालेराव, कोषाध्यक्ष डॉ. प्रज्ञा तरकसे, कार्याध्यक्ष डॉ. कल्याण शिंदे यांनी कळविले आहे.
हे ही वाचा सर्वांगीण निरोगी महाराष्ट्रासाठी आरोग्य विभागाला सर्वोत्परी सहकार्य करणार : उपमुख्यमंत्री अजित पवार
चौकशी समितीकडून कोंडेकर यांचा अहवाल सादर; आठ दिवसात कारवाईचे संकेत
