सोलापूर : प्रतिनिधी
Solapur Court Premier League Cricket Tournament : सोलापूर कोर्ट प्रिमिअर लीगमध्ये 26 ते 28 जानेवारी दरम्यान झालेल्या जिल्हास्तरीय न्यायालयीन टेनिस बॉल सिझन 12 या क्रिकेट स्पर्धेत 20 संघांनी सहभाग नोंदविला होता. रविवारी शेवटच्या दिवशी उपांत्य फेरीत डिस्ट्रीक्ट डायमंड संघांने माढा संघांचा पराभव केला. चुरशीच्या अंतिम सामन्यात सी. जे. एम. चॅलेंजर संघांने डिस्टीक्ट डायमंड संघाचा 13 धावांनी पराभव करत विजेतेपद आपल्या नावावर केले.
हे ही वाचा अल्पवयीन मुलीचा विनयभंग, आरोपीची जामीनवर मुक्तता
अंतिम सामन्यात डिस्ट्रीक्ट डायमंड संघांने नाणेफेक जिंकून सी. जे. एम. संघास फलंदाजीसाठी पाचारण केले. सी. जे. एम. चॅलेंजर संघाने प्रथम फलंदाजी करताना 8 षटकांत 76 धावांचे आव्हान ठेवले. सी. जे. एम. संघांकडून जहीर शेख यांनी 12 चेंडूत 29 धावा, प्रितेश हिंगमिरे यांनी 11 चेंडूत 25 धावा केल्या. हुसेन शेख यांनी 11 धावा देत 2 गडी बाद केले. प्रत्युतरात डिस्ट्रीक्ट डायमंड संघ 76 धावांचा पाठलाग करताना सी. जे. एम. संघांचे कर्णधार पवन गायकवाड यांनी घातक गोलंदाजी करताना 2 षटकांत 4 धावा देत 3 गडी बाद केले. तसेच सागर आडकी यांनी 19 धावा देत 2 गडी बाद केले. या दोघांच्या गोलंदाजीसमोर अवघ्या 62 धावांत समोरील संघ पूर्णपणे कोलमडला. अंतिम सामन्यामध्ये सामनावीर म्हणुन जहीर शेख यांचा सन्मान करण्यात आला.
हे ही वाचा तलाठी पेपर फुटी संदर्भात पुरावे देऊनही निवड यादी जाहीर
अंतिम सामन्यात पारितोषिक वितरण समारंभास मुख्य न्यायदंडाधिकारी मा. श्री. भंडारी, न्यायाधीश श्रीमती कौटुळे, डॉ. नरेंद्र पाटील यांची प्रमुख पाहुणे म्हणून उपस्थिती होती. स्पर्धा यशस्वीपणे पार पाडण्यासाठी लीगचे चेअरमन एम. बी. एम. शेख, ज्ञानेश्वर लिंबोळे, शाम राजेपांढरे, नबीलाल शेख, अमोल राउत, पवन गायकवाड, इरेश बिराजदार, बालाजी पिसे, संदीप वनकळसे, महेश कुलकर्णी, दिपक उंबरे, राहुल जाधव, रफीक पठाण, जहीर घारे आदींनी परिश्रम घेतले.
वैयक्तिक पारितोषिके
मालिकावीर – ॲड. रसुल मुल्ला, उत्कृष्ट फलंदाज – ॲड. विक्रांत फताटे, उत्कृष्ट गोलंदाज – अमीर शेख, उत्कृष्ट यष्टीरक्षक – जहीर शेख, उत्कृष्ट क्षेत्ररक्षक – प्रवीण शहापुरकर, संजय बिगदे.
हे ही वाचा सर्फराजच्या टीम इंडियातील एन्ट्रीवर पाकिस्तानी खेळाडूकडून शुभेच्छा
