State Cabinet | अखेर राज्य मंत्रिमंडळाचे रखडलेले खातेवाटप जाहीर

– शिंदेंकडे सामान्य प्रशासन, नगर विकास, फडणवीसांकडे गृह तर अजित दादांकडे वित्त

मुंबई : विशेष प्रतिनिधी

State Cabinet : शिंदे-फडणवीस सरकारमध्ये अजित दादा सामिल झाल्याने खातेवाटप लांबले होते. एकाच खात्याकडे अनेकांची मागणी होती. खातेवाटपावरून मंत्रीमंडळ विस्तार लांबणीवर पडला होता. रात्रींच्या बैठका सुरू होत्या. शेवटी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस, अजित पवार यांना दिल्लीवारी करावी लागली. अखेर यावर तोडगा निघाला असून राज्य मंत्रिमंडळाचे रखडलेले खातेवाटप जाहीर केले आहे. ज्यामध्ये प्रामुख्याने मुख्यमंत्री एकनाथ शिंदेंकडे सामान्य प्रशासन, नगर विकास, उपमुख्यमंत्री फडणवीसांकडे गृह तर अजित दादांकडे वित्त खाते आले आहे. State Cabinet

राज्य मंत्रिमंडळातील नवनियुक्त मंत्र्यांच्या खातेवाटपाबरोबरच सध्याच्या मंत्र्यांच्या खात्यांमध्ये देखील काही फेरबदल करून मुख्यमंत्री एकनाथ शिंदे यांनी आज (शुक्रवारी) खातेवाटप जाहीर केले. राज्यपाल रमेश बैस यांनी या खातेवाटपास मंजुरी दिली. State Cabinet

यामध्ये मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग देण्यात आले आहेत. उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती आहेत. उपमुख्यमंत्री अजित पवार यांच्याकडे वित्त व नियोजन हे खाते राहील. State Cabinet

इतर २६ मंत्र्यांची खाती पुढीलप्रमाणे :

• छगन भुजबळ – अन्न व नागरी पुरवठा व ग्राहक संरक्षण.
• दिलीपराव दत्तात्रय वळसे-पाटील – सहकार.
• राधाकृष्ण विखे-पाटील – महसूल, पशुसंवर्धन आणि दुग्ध व्यवसाय विकास.
• सुधीर सच्चिदानंद मुनगंटीवार – वने, सांस्कृतिक कार्य व मत्स्य व्यवसाय.
• हसन मुश्रीफ – वैद्यकीय शिक्षण व विशेष सहाय्य.
• चंद्रकांतदादा पाटील – उच्च व तंत्रशिक्षण, वस्त्रोद्योग आणि संसदीय कार्य.
• विजयकुमार कृष्णराव गावित – आदिवासी विकास.
• गिरीष दत्तात्रय महाजन – ग्राम विकास आणि पंचायत राज, पर्यटन.
• गुलाबराव पाटील – पाणीपुरवठा व स्वच्छता.
• दादाजी दगडू भुसे – सार्वजनिक बांधकाम (सार्वजनिक उपक्रम). 
• संजय दुलिचंद राठोड – मृद व जलसंधारण.
• धनंजय पंडितराव मुंडे – कृषि.
• सुरेशभाऊ दगडू खाडे- कामगार.
• संदीपान आसाराम भुमरे – रोजगार हमी योजना व फलोत्पादन.
• उदय रविंद्र सामंत – उद्योग.
• प्रा. तानाजी जयवंत सावंत – सार्वजनिक आरोग्य व कुटुंब कल्याण.
• रवींद्र चव्हाण – सार्वजनिक बांधकाम (सार्वजनिक उपक्रम वगळून). 
• अब्दुल सत्तार – अल्पसंख्याक विकास व औकाफ, पणन.
• दीपक वसंतराव केसरकर – शालेय शिक्षण व मराठी भाषा.
• धर्मरावबाबा भगवंतराव आत्राम – अन्न व औषध प्रशासन.
• अतुल मोरेश्वर सावे – गृहनिर्माण, इतर मागास व बहुजन कल्याण.
• शंभूराज शिवाजीराव देसाई – राज्य उत्पादन शुल्क.
• अदिती सुनिल तटकरे – महिला व बालविकास.
• संजय बाबुराव बनसोडे – क्रीडा व युवक कल्याण, बंदरे.
• मंगलप्रभात लोढा – कौशल्य विकास, उद्योजकता व नाविन्यता.
• अनिल पाटील – मदत पुनर्वसन, आपत्ती व्यवस्थापन.

• हे ही वाचा Chandrakant Patil | चंद्रकात पाटील यांच्यावर पुन्हा शाईफेक
• Lokseva Vasundhara Gaurav Award | सोलापूर विद्यापीठाच्या NSS संचालकांस लोकसेवा वसुंधरा गौरव पुरस्कार प्राप्त