Bigg Boss 17 Contestants : बिग बॉस 17 सुरू होण्यासाठी फक्त काही तास बाकी आहेत. दरम्यान, शोच्या निर्मात्यांनी नवीन पुष्टी केलेल्या अनेक स्पर्धकांची नावे आणि व्हिडिओ प्रसिध्द केले आहेत.
बिग बॉस 17 हा लोकप्रिय आणि वादग्रस्त रिअॅलिटी शो गेल्या काही दिवसांपासून चर्चेत आहे. या शोच्या प्रीमियर एपिसोडचा प्रोमो नुकताच रिलीज झाला, ज्यामध्ये शोचा होस्ट सलमान खान बिग बॉसच्या घरात दिसला. आता बिग बॉस 17 सुरू होणार आहे. त्यामुळे यामध्ये सहभागी होणाऱ्या स्पर्धकांचे व्हिडिओही समोर येऊ लागले आहेत.
हे ही वाचा Ganapath Movie Teaser | टायगर श्रॉफ-क्रिती सेनॉन च्या ‘गणपत’ चित्रपटाचा टीझर रिलीज
सलमान खान होस्ट करत असलेल्या बिग बॉस 17 ची प्रेक्षक आतुरतेने वाट पाहत आहेत. शो सुरू होण्याआधी, कलर्स टीव्हीने आता स्पर्धकांचे प्रोमो जारी केले आहेत. या प्रोमोजमध्ये Bigg Boss 17 मधील स्पर्धकांची फक्त झलक दाखवण्यात आली आहे. त्यांची नावे अद्याप समोर आलेली नाहीत, परंतु स्पर्धक कोण आहेत ? याची दर्शकांना हिंट देण्यात आली आहे.
Bigg Boss 17 Contestants म्हणून अंकिता लोखंडे आणि विकी जैन पहिल्यांदाच एकत्र दिसणार
बिग बॉस 17 च्या अनेक नवीन कन्फर्म केलेल्या स्पर्धकांची नावे समोर आली आहेत. निर्मात्यांनी नवीन प्रोमो जारी केले आहेत. या प्रोमोजमध्ये अंकिता लोखंडे आणि तिचा पती विकी जैन ही जोडी बिग बॉस 17 मध्ये प्रवेश करण्यासाठी सज्ज आहे. या जोडीचा डान्स व्हिडिओ समोर आला आहे. ज्यामध्ये अंकिता आणि तिचा पती विकी डान्स करताना दिसत आहेत.
Source : Colors TV
Bigg Boss 17 Contestants म्हणून ईशा मालवीय आणि मन्नारा चोप्रा देखील सहभागी होणार
यामध्ये आणखी एका स्पर्धकाचा व्हिडिओ रिलीज झाला आहे. ज्या व्हिडीओमध्ये एक अभिनेत्री बिग बॉस 17 च्या सेटवर “हे मेरी परम सुंदरी” या गाण्यावर डान्स करताना दिसत आहे. व्हिडिओ शेअर करताना कॅप्शन लिहिलं होतं, कोण आहे ही सुंदरी ? जी या सीझनमध्ये खळबळ माजवेल ? ही अभिनेत्री दुसरी कोणी नसून ईशा मालवीय असल्याचे नेटिझन्स सांगत आहेत.
ईशा मालवीयानंतर आता आणखी एका स्पर्धकाचा व्हिडिओ शेअर करण्यात आला आहे. हा व्हिडिओ बॉलिवूड अभिनेत्री प्रियांका चोप्राची बहीण मन्नारा चोप्राचा आहे. ती साडीमध्ये खूपच सुंदर दिसत आहे. आलिया भट्टची बहीण पूजा बिग बॉस ओटीटीमध्ये दिसली होती. आता या सीझनमध्ये तिची जागा प्रियांकाच्या बहिणीने घेतली आहे.
Source : Colors TV
Bigg Boss 17 मध्ये अभिषेक कुमारही बिग बॉसच्या घरात प्रवेश करणार
त्यानंतर पुढचा व्हिडिओ ‘उदारियां’ प्रसिद्ध अभिनेता अभिषेक कुमारचा आहे. जेव्हा निर्मात्यांनी त्याचा प्रोमो रिलीज केला, तेव्हा त्यांनी लिहिले, अपनी स्टाइल से करना सबको चरम, आ रहा है कोई शक्स, सेट करके रखना 9 बजे का अलार्म.
बिग बॉस 17 चा सीझन सुरू होण्यासाठी अवघे काही तास उरले आहेत. हा शो 15 ऑक्टोबर 2023 रोजी शनिवार-रविवार रात्री 9 वाजता आणि सोमवार ते शुक्रवारी रात्री 10 वाजता छोट्या पडद्यावर दाखवला होणार आहे. यंदाचा बिग बॉस 17 चा हंगाम वेगळा असल्याची चर्चा सुरू आहे. आता निर्मात्यांनी स्पर्धकांचे व्हिडिओ शेअर करून प्रेक्षकांची उत्सुकता आणखी वाढवली आहे.
