सोलापूर : प्रतिनिधी
जुलैची रात्र ईशाळवाडी (Ishalwadi) ग्रामस्थांसाठी दुर्दैवी ठरली. मात्र बालाजी अमाईन्स संचालित संस्था बालाजी फाउंडेशनने आपली सामाजिक बांधिलकी आणि संवेदना जपत तत्परतेने ट्रकभरुन राशन, जीवनोपयोगी साहित्य आणि औषधे पाठवून दिली आहे. तसेच मुख्यमंत्री एकनाथ शिंदे यांच्याकडे 25 लाखांचा धनादेश सुपूर्द करत मदत करण्यात आली.
ईशाळवाडी (Ishalwadi) ग्रामस्थांच्या भवितव्याचा विचार करुन त्यांच्या पुनर्वसनासाठी बालाजी अमाईन्सचे व्यवस्थापकीय संचालक डी. राम रेड्डी यांनी 25 लाखांची मदत राज्य शासनाकडे सुपूर्द केली आहे. 24 जुलै रोजी मुंबई येथील विधानभवनात बालाजी अमाईन्सचे जनसंपर्क अधिकारी विनोद चुंगे यांनी 25 लाख रूपयांचा धनादेश मुख्यमंत्री एकनाथ शिंदे यांच्याकडे सुपूर्द केला. यावेळी उद्योगमंत्री उदय सामंत, कृषिमंत्री धनंजय मुंढे आदी उपस्थित होते.
