चिखली : प्रतिनिधी
Sarpanch Vaishali Javanjal : चिखली तालुक्यातील आठ ग्रामपंचायत मध्ये थेट जनतेतून सरपंच पदाची निवडणुक पार पडली. 6 नोव्हेंबर रोजी निवडणुकीचे निकाल जाहीर झाले आहे. त्यात डोंगररशेवली मधून वैशाली शरद जवंजाळ यांनी एकतर्फी विजय खेचून आणला. सरपंच पदासाठी चार उमेदवार रिंगणात होते.
यात वैशाली जवंजाळ यांना 1697 मते पडली असून आशा गणेश सावळे 317 मते, कमल प्रभाकर सावळे 429 तर सुरेखा रंगनाथ सावळे यांना 38 मते मिळाली. 1268 मतांनी वैशाली जवंजाळ मोठ्या फरकाने विजयी झाल्या. शरद जवंजाळ यांची गावात असलेली लोकप्रियता, जनतेशी असलेला संबंध याचा मोठा फायदा त्यांना झाला. जनतेने नवीन चेहऱ्यांना संधी दिल्याचे बघितल्या जात आहे.
हे ही वाचा : सत्ताधाऱ्यांना शेतकऱ्यांच्या एकजुटीची ताकद दाखवून देऊ : रविकांत तुपकर
