सोलापूर : प्रतिनिधी
Thieves also celebrated Diwali : सर्वत्र दिवाळीची आतषबाजी सुरू असताना सोलापूरात चोरट्यांनीही दिवाळी धुमधडाक्यात साजरी केली आहे. मड्डीवस्ती येथील नागणे अपार्टमेंटमधील घर त्यांनी भरदिवसा फोडून साडेसहा तोळ्याचे दागिने व रोख रक्कम लंपास केली आहे.
हे ही वाचा दिवाळीत सोलापूर महापालिकेत 226 पद भरतीचा धमाका
रेखा अण्णाराव माने (वय- ६०, रा. नागणे अपार्टमेंट, दत्त मंदिरासमोर, भवानी पेठ) यांनी दिलेल्या फिर्यादीवरून जोडभावी पोलीस ठाण्यात या घरफोडीचा गुन्हा नोंद करण्यात आला आहे. माने या शुक्रवारी सकाळी आपल्या घराला कुलूप लावून बाळी वेस येथे कामानिमित्त गेल्या होत्या. सायंकाळी 4 वाजता त्या घरी परतल्यावर त्यांना घराच्या ग्रीलचे व दरवाजाचे कुलूप उघडल्याचे दिसून आले. घरात प्रवेश केल्यावर चोरट्याने घरात कपाटाला अडकवलेली चावी घेऊन कपाट उघडून आतील लॉकरमधील 8 ग्रॅमची बोरमाळ, 3 तोळ्याची मोहनमाळ, 5 ग्रॅमच्या 3 अंगठ्या, सोन्याची गणस्माळ, गंठण आणि 5 हजार रूपयांची रोकड चोरून नेल्याचे दिसून आले.
भर दिवाळीत दाट लोकवस्तीत दिवसा घरफोडी झाल्याने नागरिकांमध्ये भिती निर्माण झाली आहे. पुढील तपास सपोनि पवार हे करीत आहेत.
हे ही वाचा एक कोटीची लाच, MIDC तील सहाय्यक अभियंता लाचलुचपतच्या जाळ्यात
K. Kavita Akka | तेलंगणात भाजपचे डिपॉझिट जप्त होणार : केसीआर यांच्या कन्या के. कविता यांचा दावा
Maratha Reservation GR | मोदींचा एक फोन येऊ द्या; हे तिघे लगेच जीआर घेऊन येतील
