महापालिकेतील अधिकाऱ्यांनी अपात्र मक्तेदारांना पात्र करून दिले ड्रेनेज लाईन कामांचे टेंडर

सोलापूर : रणजित वाघमारे

महाराष्ट्र सुवर्ण जयंती नगरोत्थान योजना सन 2023-24 अंतर्गत ड्रेनेज लाईन टाकण्याच्या कामात सार्वजनिक आरोग्य अभियंता कार्यालयातील अधिकाऱ्यांनी चक्क अपात्र मक्तेदारांना पात्र करून ड्रेनेज लाईन कामांचे टेंडर दिले आहे. तर सुरवातीला पात्र असलेल्यांना अपात्र ठरवले आहे. सार्वजनिक आरोग्य अभियंता आणि नगर अभियंता कार्यालयातील अधिकाऱ्यांचा हा अजब गैरप्रकार उजेडात आला आहे. मर्जीतील मक्तेदांरासाठी अधिकाऱ्यांकडून आयुक्तांची नेहमीच दिशाभुल होत असल्याचेही समोर आले असून याप्रकरणी सदरचे सर्व 4 ही टेंडर रद्द करून फेरटेंडर करणे गरजेचे आहे.

हे ही वाचा कार्यकारी अभियंता कोंडेकर यांच्याकडून शासन निर्णयास डावलून मनमानी पध्दतीने अनेक टेंडरचे वाटप

प्रशासक तथा आयुक्त शितल तेली-उगले यांच्याकडून नेहमीच शहर विकासाला प्राधान्य दिले गेले. त्यांच्याकडून अनेक विकास कामे मार्गी लागली, ज्यामध्ये बेकायदेशीर बांधकाम परवाना देणाऱ्या अधिकाऱ्यांवर कडक कारवाई करणे, घणकचरा विभागाकडून शहरातील कचरा वेळेवर उचलला जाणे, उजनी-सोलापूर दुहेरी जलवाहीनीत आयुक्तांचा सिंहाचा वाटा, विमानतळासाठी कारखाण्याची चिमणी पाडणे, केंद्र सरकारकडून धुळमुक्त सोलापूरसाठी कोट्यावधींचा निधी आणणे, शहरातील रस्ते खड्डेमुक्त होण्याच्या दिशेने कामकाज करणे, शासनाच्या सर्व निधीचे व शासकीय योजना मार्गी लागणे अशी अनेक विकास कामे मार्गी लावली आहेत. मात्र एकीकडे प्रशासक तथा आयुक्त शितल तेली-उगले या सोलापूर शहरातील समस्या सोडवण्यासाठी नेहमीच प्रयत्नशील असताना दुसरीकडे मात्र महापालिकेतील काही अधिकाऱ्यांकडून आयुक्तांना चुकीची माहिती दिली जाते. चुकीच्या पध्दतीने टेंडर प्रक्रीया राबविली जाते. तरी आयुक्तांनी याची शहानिशा करून संबंधीत अधिकारी आणि मकतेदार यांच्यावर कारवाई करणे गरजेचे आहे.

हे ही वाचा औषध महामंडळाकडून जादा दराने औषध खरेदी

यामध्ये 1) Tendr Id-2024_SMC_1016122 (कामाचे नाव : महाराष्ट्र सुवर्ण जयंती नगरोत्थान योजना सन 2023-24 अंतर्गत पुलगम टेक्सटाईल ते ई. आर. टी. चौक ते नीलकंठ बँक ते इराबत्ती कारखाना पर्यंत ड्रेनेज लाईन टाकणे) या (95 लाख 93 हजार 344 रूपये) टेंडर प्रक्रीयेत एकूण 9 मक्तेदारांनी सहभाग नोंदवला. यामध्ये कागदपत्रांअभावी 9 पैकी 6 मक्तेदार अपात्र होते. मात्र यातील तीन मक्तेदार पात्र कसे ? त्यांची कागदपत्रे न तपासता त्यांना पात्र कसे केले ? असा प्रश्न उपस्थित होत आहे. यामध्ये पहिल्या मान्यतेत मोरया कंस्ट्रक्शन, शाकंभरी कंस्ट्रक्शन आणि दयावान कंस्ट्रक्शन हे 3 मक्तेदार पात्र झाले तर गिरजाई इन्फ्रा प्रा. लि., मीना कंस्ट्रक्शन, आण्णाप्पा गुद्दोदगी, श्री. जय मातादी कंस्ट्रक्शन, राऊत कंस्ट्रक्शन आणि आकाश कंस्ट्रक्शन ॲण्ड अर्थ मुवर्स हे अपात्र ठरवले. मात्र दसुऱ्या मान्यतेत मोरया कंस्ट्रक्शन आणि शाकंबरी या दोघांना पात्र केले तर दयावान कंस्ट्रक्शन, गिरजाई इन्फ्रा प्रा. लि., मीना कंस्ट्रक्शन, आण्णाप्पा गुद्दोदगी, श्री. जय मातादी कंस्ट्रक्शन, राऊत कंस्ट्रक्शन आणि आकाश कंस्ट्रक्शन ॲण्ड अर्थ मुवर्स यांना अपात्र ठरवले. यामध्ये दयावान कंस्ट्रक्शन सुरवातीला पात्र असताना त्यांना त्याच टेंडरसाठी दुसऱ्या यादीत अपात्र का केले ? पात्र मक्तेदार सोडून उर्वरित दोन मक्तेदारांना काम देण्याचा उद्देश काय ? वर्कडन, सॉल्वंशी न तपासता मर्जीतील मक्तेदारांना टेंडर दिले गेले असल्याचे स्पष्ट आहे.

हे ही वाचा सोलापूर महापालिकेच्या आरोग्य विभागाकडून कंत्राटी भरती प्रक्रियेमध्ये घोळ

तसेच 2) Tendr Id-2024_SMC_1016209 (कामाचे नाव : महाराष्ट्र सुवर्ण जयंती नगरोत्थान योजना सन 2023-24 अंतर्गत अक्कलकोट एमआयडीसी अंतर्गत मेहेर टेक्सटाईलस ते बेल सिर्यामिक हब ते करूणा हॉटेल पर्यंत ड्रेनेज लाईन टाकणे) या (76 लाख 44 हजार 006 रूपये) टेंडर प्रक्रीयेत पहिल्या मान्यतेत गिरीजाई इन्फ्रा प्रा. लि., मीना कंस्ट्रक्शन, राऊत कंस्ट्रक्शन, श्री. जय मातादी कंस्ट्रक्शन, अण्णाप्पा गुद्दोदगी, गुरूराज कंस्ट्रक्शन, मामाश्री कंस्ट्रक्शन, अंकीता कंस्ट्रक्शन, श्रीराजलक्ष्मी कंस्ट्रक्शन, लामकाने भानुदास हरिदास आणि आकाश उत्तम कानडे हे 11 मक्तेदार सहभागी झाले होते. यापैकी राऊत कंन्स्ट्रक्शन आणि अंकीता कंन्स्ट्रक्शन हे दोन मक्तेदार पात्र झाले होते.

मात्र याच टेंडरच्या दुसऱ्या मान्यतेमध्ये 11 मधील पहिले पात्र असलेले अंकीता कंस्ट्रक्शन आणि राऊत कंस्ट्रक्शन हे अपात्र केले, तर त्यांच्याऐवजी दुसरेच मक्तेदार पात्र केले. अपात्र असलेले आकाश उत्तम कानडे आणि श्रीराजलक्ष्मी कंस्ट्रक्शन यांना पात्र करण्यात आले. यामध्ये कागदपत्रे न तपासता मक्तेदारांना मक्ता देण्यात आला आहे. पात्र केलेल्या श्रीराजलक्ष्मी कंस्ट्रक्शनची कागदपत्रे आढळून येत नाहीत. तसेच श्रीराजलक्ष्मी कंस्ट्रक्शनला कामाचा अनुभव नाही, सॉल्वंशी कमी आढळून येत आणि वर्कडन आढळून येत नाही, तरी त्यांना पात्र कोणत्या नियमाने केले ? तसेच सदरची टेंडर जाहिरात फेब्रुवारी 2024 मध्ये निघाली. यासाठी टेंडरच्या आगोदरचे वर्कडन असणे आवश्यक आहे. मात्र आकाश उत्तम कानडे यांचा वर्कडन दाखला 24 जुलै 2024 रोजीचा दिला आहे, तरीही त्यांना पात्र कोणत्या नियमानुसार केले ? अनुभव नसताना त्यांना काम कोणत्या नियमानुसार दिले ? दोन्ही एजन्सीचे वर्कडन नसताना त्यांना एवढ्या मोठ्या रकमेचे काम कोणत्या आधारे दिले ? अधिकाऱ्यांनी ही सर्व नियमबाह्य टेंडर प्रक्रीया राबविली असून सदरचे टेंडर रद्द होऊन फेरनिविदा काढणे गरजेचे आहे.

हे ही वाचा 

3)  Tendr Id-2024_SMC_1016209 (कामाचे नाव : महाराष्ट्र सुवर्ण जयंती नगरोत्थान योजना सन 2023-24 अंतर्गत अक्कलकोट एमआयडीसी अंतर्गत तिरूमला चौक ते बेल लोकमंगल हॉस्पिटल पर्यंत ड्रेनेज लाईन टाकणे.) या (56 लाख 94 हजार 681 रूपये) टेंडरमध्ये एकूण 12 मक्तेदार सहभागी आहेत. यामध्ये पहिल्या तक्त्यात गिरीजाई इन्फ्रा. प्रा. लि. आणि मामाश्री कंन्स्ट्रक्शन हे 2 मक्तेदार पात्र झाले आहेत. तर अण्णाप्पा गुद्दोदगी, श्री. जय मातादी कंन्स्ट्रक्शन, राऊत कंन्स्ट्रक्शन, गोविंदराज कंन्स्ट्रक्शन, अर्श कंन्स्ट्रक्शन, समी कंन्स्ट्रक्शन, लामकाने भानुदास हरिदास, आकाश कन्स्ट्रक्शन ॲण्ड अर्थ मुवर्स, राठोड सागर ताराचंद आणि जी. बी. कंस्ट्रक्शन हे 10 मक्तेदार अपात्र ठरवले आहेत. परंतु दुसऱ्या तक्त्यात पात्र असलेल्या गिरीजाई इन्फ्रा. प्रा. लि. ला अपात्र करून त्यांच्या ऐवजी अपात्र असलेल्या राठोड सागर ताराचंद ला पात्र केले आहे. यामध्ये यांची कागदपत्रे न तपासता त्यांना पात्र केल्याचे दिसून येत आहे. तरी यामध्ये जीई एम. यु. मसलखांब यांचा हेतू काय ? ठराविक मक्तेदारांना काम मिळवून देण्यासाठी त्यांचा खटाटोप का ? असे प्रश्न इतर मक्तेदार उपस्थित करत आहेत.

4) Tendr Id-2024_SMC_1016209 (कामाचे नाव : महाराष्ट्र सुवर्ण जयंती नगरोत्थान योजना सन 2023 24 अंतर्गत अक्कलकोट एमअयाडीसी अंतर्गत ई. आर. टी. चौक ते बेल सीर्यामिक हब ते CEPT प्लांट ते बेल सिर्यामिक हब पर्यंत ड्रेनेज लाईन टाकणे.) या (54 लाख 33 हजार 370) टेंडरमध्ये एकूण 13 मक्तेदार सहभागी झाले होते. यामध्ये पहिल्या तक्त्यात मामाश्री कंन्स्ट्रक्शन आणि अंकीता कंन्स्ट्रक्शन हे 2 मक्तेदार पात्र झाले होते. तर सागर विजयकुमार शिंगे, गिरीजाई ईन्फ्रा. प्रा. लि., राऊत कंन्स्ट्रक्शन, अण्णाप्पा गुद्दोदगी, श्री. जय मातादी कंन्स्ट्रक्शन, श्रीवास्तू कंन्स्ट्रक्शन, गुरूराज कंन्स्ट्रक्शन, समी कंन्स्ट्रक्शन, लामकाने भानुदास हरिदास, आकाश कंन्स्ट्रक्शन ॲण्ड अर्थ मुवर्स, उंबरजे नागेश गंगाधर आणि राठोड सागर ताराचंद हे मक्तेदार अपात्र दाखवले आहेत. यामध्ये मामाश्री कंन्स्ट्रक्शनची सॉल्वंशी 25 जुलै 2024 रोजीची दिली. त्यांनी टेंडर निघण्याआगोदरची सॉल्वंशी देणे गरजेचे आहे. मात्र या 4 ही टेंडर प्रक्रीयेत सार्वजनिक आरोग्य अभियंता कार्यालयातील अधिकाऱ्यांनी मर्जीतील मक्तेदारांना टेंडर देण्यासाठी चक्क आयुक्तांची फसवणुक केली आहे. इतर पात्र मक्तेदारांनाही अपात्र केले आहे. त्यामुळे आयुक्त तथा प्रशासक शितल तेली-उगले यांनी अशा बेजबाबदार अधिकारी आणि मक्तेदार यांच्यावर कारवाई करणे गरजेचे आहे. सदरचे 4 ही टेंडर रद्द करून फेरटेंडर करणे गरजेचे आहे

तसेच शासन निर्णय क्रमांक : सीएटी/2017/प्र.क्र.08/इमा-2 या नुसार वर्कडन 30 टक्के पाहिजे, तर ते 50 टक्के आकारले जाते. आयुक्तांना अंधारात ठेऊन मर्जीतील मक्तेदारांना टेंडर देण्यासाठी शासन निर्णयात नसलेल्या निमय व अटी लावल्या जात आहेत. जेणेकरून मर्जीतील मक्तेदारांना काम मिळेल, यासाठी इंजिनिअरीची धडपड असते. नगर अभियंता व सार्वजनिक आरोग्य अभियंता या विभागातील सर्व जीई अशीच कामे करतात. एका विशिष्ठ मक्तेदारांना मक्ता देण्यासाठी महापालिकेतील अधिकाऱ्यांकडून प्रयत्न केले जात आहेत. यामध्ये टेंडर कॉम्पीटीशन होत नाही, त्यामुळे महापालिकेचे आर्थिक नुकसान होत आहे. टेंडर बिलो ने गेल्यास महापालिकेचा फायदा होत आहे. परंतु येथील अधिकाऱ्यांमुळे महापालिकेचे नुकसान होत आहे. टेंडरची जाहिरात देत असताना मनमानी पध्दतीने निविदा शुल्क लावणे, विनाकारण वर्कडन मोठ्या रकमेचे मागणे, शासन निर्णयात नसलेले कादपत्र मागणे असे प्रकार सर्रास होत आहेत.

तरी आयुक्त तथा प्रशासक शितल तेली-उगले यांनी या 4 ही टेंडर प्रक्रीयेतील दोषी अधिकारी आणि मक्तेदार यांच्यावर कारवाई करणे गरजेचे आहे.