Property Loan : आयुष्यात कधी कोणती अडचण येईल आणि किती पैसे आपल्याला लागतील याची कुठलीच शाश्वती नसते. जर आपण अचानकपणे उद्भवणाऱ्या संकटांचा विचार केल्यास आरोग्य विषयक समस्या खूप गंभीर असल्याचे आणि कुठलीही पूर्वसूचना न देता उद्भवत असल्याचे लक्षात येईल. अचानक घरामध्ये कोणीतरी आजारी पडते आणि आपणास मोठ्या प्रमाणात दवाखान्याचा खर्च करावा लागतो, शिवाय कुटुंबातील लग्न आणि इतर काही महत्त्वाच्या गोष्टी करिता पैसा हमखास लागतात. अशावेळी बरेच जण कर्जाचा आधार घेत असतात. अनेकजण पर्सनल लोनचा पर्याय स्वीकारतात. याशिवाय दुसरा प्रकार म्हणजे प्रॉपर्टी किंवा मालमत्ता लोन होय.
हे ही वाचा शरद पवार यांच्या उपस्थितीत राष्ट्रवादी महिला आघाडीचा निर्धार मेळावा
जर आपण पर्सनल लोनचा विचार केल्यास हा असुरक्षित कर्जाचा प्रकार आहे तर Property Loan हा सुरक्षित कर्जाचा एक प्रकार आहे. याला आपण मॉर्गेज कर्ज देखील म्हणतो. या लोनच्या शब्दांमध्येच तुम्हाला याचा अर्थ कळला असेल तो म्हणजे की असं कर्ज घेण्यासाठी तुम्ही तुमची एखादी मालमत्ता किंवा घर बँकेकडे तारण/गहाण ठेवून कर्ज मिळवू शकता.
बँक किती Property Loan देते ?
इतर वित्तीय संस्था किंवा बँकांचा विचार केल्यास तुम्ही जी काही प्रॉपर्टी बँकेकडे तारण ठेवता, त्या मालमत्तेच्या किंवा प्रॉपर्टीचे जे काही मार्केट व्हॅल्युएशन आहे, त्याच्या 50 ते 70 टक्के पर्यंत कर्ज तुम्हाला दिले जाते. या कर्जाची परतफेड तुम्ही सुलभ हप्त्याने करू शकता.
आपण पर्सनल लोनचा विचार केल्यास त्या तुलनेत व्याजदराच्या दृष्टिकोनातून प्रॉपर्टी लोन हे फायद्याचे ठरते. कारण पर्सनल लोन पेक्षा प्रॉपर्टी लोन वर व्याजदर कमी असतो. यामध्ये तुम्ही तारण देत असलेल्या मालमत्तेचे उत्पन्न, क्रेडिट इतिहास आणि इतर महत्त्वाच्या गोष्टी बँकेकडून तपासल्या जातात. मात्र यामध्ये वेगवेगळ्या बँकांचे व्याजदर हे वेगवेगळे असतात. त्यामुळे सदरील बँकेचा व्याजदर नेमका काय आहे ? हे अगोदर तपासून घेणे गरजेचे आहे.
देशातील महत्त्वाच्या बँकांचे Property Loan चे व्याजदर पुढीलप्रमाणे…
जर आपण देशातील अग्रगण्य असलेल्या State Bank Of India चा विचार केला तर ही बँक साधारणपणे 10.60 ते 11.30 टक्के वार्षिक व्याजदराने प्रॉपर्टी लोन देते. या बँकेचा कर्जाचा कालावधी हा 5 ते 15 वर्षांचा असतो.
या तुलनेमध्ये जर आपण HDFC बँकेचा विचार केला, तर ही बँक प्रॉपर्टीचे जे काही एकूण मूल्य आहे, त्याच्या 60 टक्क्यांपर्यंत कर्ज देते. HDFC बँकेच्या माध्यमातून 15 वर्षापर्यंत 9 ते 16.50 टक्के व्याजदराने Property Loan दिले जाते. तसेच Axis Bank हे 5 लाख ते 5 कोटी रुपये पर्यंतच्या प्रॉपर्टीवर कर्ज देते.
Property Loan वर टॅक्सचा लाभ मिळतो का?
याबाबत आपण आयकर कायदा 1961 च्या कलम 37(1) अंतर्गत पाहिले तर मालमत्तेवरील कर्ज म्हणजेच Property Loan वर तुम्ही जे काही व्याज भरलेले आहे. त्या व्याजावर करामध्ये सुट उपलब्ध आहे. कर्जाची रक्कम नवीन घर खरेदीसाठी वापरली असल्यास तुम्हाला आयकर कायद्याच्या कलम 24 च्या अंतर्गत तुम्ही जे काही व्याज भरलेले आहे, त्यावर तुम्हाला 2 लाख रुपयांपर्यंतची सूट मिळू शकते.
इतर लोनच्या तुलनेत Property Loan कसे फायद्याचे आहे?
विशेष म्हणजे हे एक सुरक्षित कर्ज आहे. त्यामुळे तुमच्या प्रॉपर्टीच्या व्हॅल्युएशननुसार तुम्हाला जास्तीत जास्त कर्जाची रक्कम मिळणे शक्य आहे. Property Loan चा कालावधी हा 20 वर्षांचा असून कमीत कमी EMI आणि सहज परतफेड करण्याची सुविधा देखील तुम्हाला दिली जाते. एवढेच नाही तर आपणास या प्रॉपर्टी लोनमध्ये बॅलन्स ट्रान्सफर सुविधा देखील मिळते. ज्यामुळे तुमचे सध्याचे जे काही कर्ज आहे, ते दुसऱ्या बँकेकडे कमी व्याजदर किंवा कर्जाच्या चांगल्या अटींवर ट्रान्सफर ही करू शकता. त्यामुळे तुम्ही इमर्जन्सी कालावधीमध्ये जर Property Loan चा पर्याय निवडला तर तुम्हाला अशा पद्धतीचे फायदे मिळू शकतात.
हे ही वाचा App Uninstall करूनही Leak होईल तुमचा Data, Phone मध्ये लगेच करा ही Settings
Shark Tank India चा तिसरा सीजन या दिवशी सुरु होणार, हे असतील नवीन शार्क
