गणेश चर्तुर्थीच्या मुहूर्तावर रिलायन्स जिओने Jio AirFiber सेवा लाँच केली आहे. कंपनीचे चेअरमन मुकेश अंबानीने याची घोषणा 28 ऑगस्टला केली होती. या घोषणेमुळे ग्राहक याची आतुरतेने वाट पाहत होते. अखेर Jio AirFiber सेवा लाँच झाली आहे.
Jio कंपनीचे हे नवीन हॉटस्पॉट डिव्हाइस आहे. याच्या मदतीने ग्राहकांना घर, ऑफिस, शॉप्समध्ये वायरलेस हायस्पिड इंटरनेट सुविधा मिळणार आहे. याच्या प्लॅनची सुरवात 599 रुपयांपासून सुरु होते. सविस्तर जाणून घेऊया याबद्द…
या शहरांना मिळणार Jio AirFiber ची हायस्पिड सुविधा
रिलायन्स जिओने मुंबई, दिल्ली, कोलकाता, हैदराबाद, अहमदाबाद, बेंगळुरू, चेन्नई आणि पुणे या शहरात सध्या Jio AirFiber सेवा सुरू केली आहे. हे एक एकीकृत एंड-टू-एंड सोल्यूशन आहे. जे स्मार्ट होम सर्व्हिसेस, होम एंटरटेनमेंट आणि हाय-स्पीड ब्रॉडबँड सारख्या सेवा देते.
Jio AirFiber साठी लाँच केले 2 प्लॅन
Jio ने Jio AirFiber साठी 2 प्रकारचे प्लॅन जाहिर केले आहेत. पहिला प्लॅन Jio AirFiber आणि दुसरा Air Fiber Max आहे. AirFiber प्लॅनमध्ये ग्राहकांना 30Mbps आणि 100Mbps अशा दोन प्रकारचे हायस्पीड प्लॅन मिळणार आहेत.
Air Fiber 30 Mbps प्लॅनची किंमत 599 रुपये आहे तर 100 Mbps Air Fiber प्लानसाठी 899 रुपये माजावे लागणार आहेत. हे दोन्ही प्लॅन ग्राहकांना 550 पेक्षा जास्त डिजिटल चॅनेल आणि 14 मनोरंजन अॅप्स देणार आहे.
100 Mbps स्पीडसह आणखी एक प्लॅन सादर केला असून त्याची किंमत 1 हजार 199 रुपये दर महिना आहे. या प्लॅनसह सर्व चॅनेल, अॅप्ससाठी सपोर्टच नाही तर तुम्हाला Netflix, Amazon आणि Jio Cinema सारख्या प्रीमियम अॅप्समध्ये प्रवेश मिळणार आहे.
AirFiber Max Plan
ज्या ग्राहकांना हायस्पिड इंटरनेट सेवा हवी आहे, त्यांच्यासाठी ‘AirFiber Max Plan’ आहे. या अंतर्गत, जीओ ने 300 Mbps ते 1000 Mbps म्हणजेच 1 Gbps पर्यंतचे 3 Plan सादर केले आहेत. 300 Mbps स्पीड प्लॅनची किंमत 1 हजार 499 रुपये दर महिना आणि 500 Mbps स्पीड प्लॅनची किंमत 2 हजार 499 रुपये इतकी आहे.
1 Gbps स्पीड असणाऱ्या प्लॅनची किंमत 3 हजार 999 रुपये आहे. 550 पेक्षा जास्त Digital चॅनेल, 14 Entertainment अॅप्स आणि Netflix, Amazon आणि Jio Cinema सारखी प्रीमियम अॅप्स सर्व ऑफरसह उपलब्ध असणार आहेत.
Jio AirFiber लास्ट माईल कनेक्टिव्हिटीची अडचण दूर करेल. प्लॅन घेणाऱ्या ग्राहकांना अत्याधुनिक Wi-Fi राउटर, 4K स्मार्ट सेट-टॉप बॉक्स आणि व्हॉइस अॅक्टिव्ह रिमोट मोफत दिले जाणार असल्याचे कंपनीने जाहिर केले आहे.
