सत्ताकारण न्युज नेटवर्क : सोलापूर
पालकमंत्री, आमदार, जिल्हाधिकारी, मुख्य कार्यकारी अधिकारी यांच्या आदेशाला वारंवार केराची टोपली दाखवणे, नियोजन आढावा बैठकीमध्ये पंढरपुर तालुक्यातील मौजे भोसे येथील प्राथमिक आरोग्य केंद्र येथील जागेबाबत कार्यवाहीचे आदेश असतानाही टाळाटाळ करणे, करमाळा तालुक्यातील जेऊर प्राथमिक आरोग्य केंद्र बाबत प्रेस नोट तयार करणेबाबत सुचना देऊनही प्रेस नोट तयार न करणे आदी गंभीर गैरशिस्तीच्या वर्तनबाबत डॉ. संतोष नवलेंच्या विभागीय चौकशीसाठी दोषारोप पत्र सादर केल्याचे पत्र मुख्य कार्यकारी अधिकारी, सोलापूर आणि पुणे उपसंचालक कार्यालयातील गोपनिय सुत्रांनी “सत्ताकारण”च्या हाती दिले.
हे ही वाचा पालकमंत्री गोरेंच्या समोरच आमदार आवताडेंचा जिल्हा आरोग्य अधिकारी डॉ. संतोष नवलेंवर टक्केवारीचा आरोप
या पत्रात पुढे म्हटले आहे की, सोलापूरचे जिल्हा आरोग्य अधिकारी डॉ. संतोष नवले यांनी 2025 पंढरपुर आषाढीवारीच्या अनुषंगाने प्रमाणित आरोग्य विभागाकडील टेंडरसाठी फाईल तयार करण्याबाबत सुचना देवुनही फाईल तयार न करणे, लोकशाही दिनास उपस्थित न राहणे, मासिक दैनंदिनी वेळेत सादर न करणे, समन्व्य सभेस वारंवार अनुपस्थित राहणे, त्याबाबत जिल्हा आरोग्य अधिकारी डॉ. नवले यांना कारणे दाखवा नोटीस बजावण्यात आली होती. त्याचा खुलासा सादर न करणे, वरिष्ठांच्या आदेशाचे पालन न करणे आदीं गंभीर प्रकारांबाबत, डॉ. नवले यांच्या गैरशिस्तीच्या वर्तनबाबत त्यांच्याविरुध्द महाराष्ट्र नागरी सेवा (शिस्त व अपील) १९७९ मधील तरतुदीनुसार त्यांच्याकडून शिस्त भंगचा प्रकार घडला आहे. याबाबत मुख्य कार्यकारी अधिकारी कुलदिप जंगम यांनी विभागीय चौकशीचा प्रस्ताव वरिष्ठ कार्यालयास सादर केला होता. त्याअनुषंगाने आरोग्य सेवा, पुणे मंडळ, पुणे चे उपसंचालक डॉ. भगवान पवार यांनी संचालक डॉ. नितीन अंबाडेकर यांच्याकडे सोलापूरचे जिल्हा आरोग्य अधिकारी डॉ. संतोष नवलेंच्या विभागीय चौकशीसाठी नुकतेच दोषारोप पत्र सादर केले आहे. त्यामुळे डॉ. नवलेंवर काय कारवाई होणार ? याकडे जिल्हा परिषद, सोलापूर आणि सार्वजनिक आरोग्य विभागाचे लक्ष लागले आहे.
पूर्वी कोरोना काळात सोलापूर महापालिकेत मुख्य आरोग्य अधिकारी पदी कार्यरत असताना औषधे, सर्जीकल, प्रयोगशाळा साहित्य, उपकरणे व इतर सर्व साहित्य मोठ्या प्रमाणात वाढीव दराने खरेदी करणे, सप्लायरकडून वरिष्ठांच्या नावे परस्पर टक्केवारी घेणे आदी गैरप्रकाराबात नवलाईची तक्रार तत्कालीन महानगरपालिका आयुक्त पी. शिवशंकर यांनी आरोग्य विभागाचे प्रधान सचिव प्रदिप व्यास यांच्याकडे केली होती. त्यावेळी निलंबन आणि बडतर्फ अटळ असल्याकारणाने ॲडमीट व्हावे लागले. कारवाई टाळण्यासाठी पालकमंत्री, जिल्हाधिकारी ते आयुक्तांपर्यंत सर्वांचे पाय धरावे लागले. आणि अखेर महापालिकेतून स्वतःच स्वतःची हकालपट्टी करून घेतली. आता पुन्हा तेच ते प्रकार सुरू असल्याने नव्याने नवलाई सुरूच असल्याचे दिसून येत आहे.
हे ही वाचा बोगस भरतीतील उमेदवारांना सहसंचालक डॉ. संदीप सांगळेंचे पाठबळ
तीन टक्के द्या, त्यानंतरच सेवाखंड कालावधी क्षमापितचा निधी घ्या…
उपसंचालकांच्या नावे 3 लाख रूपये लाच स्विकारताना आरोग्य सेवक रामकिसन गंगाधर घ्यार ला अटक
