सोलापूर : प्रतिनिधी

नवि पेठ येथील श्रेयस हॉस्पिटल प्रकरणात जवळपास 26 हून अधिक आशा वर्कर्स् यांना मनपा आरोग्य अधिकारी डॉ. राखी सुहास माने यांनी नोटीसा बजावल्या होत्या. याविरोधात लालबावटा आशा व गटप्रवर्तक युनियनच्या महासचिव पुष्पा माने-पाटील यांच्या पुढाकाराने सर्व आशा वर्कर्स् यांनी आरोग्य मंत्री प्रकाश आबिटकर यांची भेट घेतली. आरोग्य अधिकारी डॉ. राखी सुहास माने यांचा मनमानी कारभार व नाहक कारवाईबद्दल आरोग्य मंत्र्यांकडे याबद्दल सविस्तर माहिती दिली. परिणामी आरोग्य मंत्री प्रकाश आबिटकर यांनी तत्काळ OSD मार्फत डॉ. राखी सुहास मानेंच्या उलट चौकशी आदेश दिले आहेत.

हे ही वाचा डॉ. राखी माने यांच्या चुकीच्या काढलेल्या ऑर्डरवर उप सचिव अनिरूध्द व्य. जेवळीकरांची “चुप्पी”

आरोग्य मंत्री प्रकाश आबिटकर यांच्याकडे मनपा आरोग्य अधिकारी डॉ. राखी सुहास माने यांच्याबद्दल अनेक तक्रारी गेल्या आहेत. त्याबाबत “सत्ताकारण”चे प्रतिनिधी यांनी आरोग्य मंत्री यांच्या कार्यालयाशी संपर्क साधला. त्यावेळी मंत्री महोदय आणि त्यांचे OSD यांनी माहिती दिली की, आरोग्य मंत्री प्रकाश आबिटकर यांच्याकडून थेट आदेश आल्याने ‘एनयुएचएम’च्या संचालकांमार्फत डॉ. राखी सुहास मानेंची उलट चौकशी लावली आहे. यावेळी आरोग्य मंत्र्यांनी “आशांनी काळजी करू नये. आपापल्या घरी जा, रक्षाबंधन आनंदात साजरे करा, राखी मानेंची उलट चौकशी सुरू केली आहे”, असा संदेशही दिला आहे. त्यामुळे ज्या प्रकरणात आशा वर्कर्स् यांचा जराही संबंध नाही, ज्या आशा वर्कर्स् यांना अनेक प्रकरणात नाहक गोवले जात होते, त्याच गोष्टींमुळे मनपा आरोग्य अधिकारी डॉ. राखी सुहास माने अडचणीत आल्या असल्याचे दिसुन येत आहे.

हे ही वाचा सोलापूर महापालिकेच्या आरोग्य अधिकारी डॉ. राखी सुहास माने, विजयमाला बेले यांच्यावर अदखपात्र गुन्हा दाखल

डॉक्टरांच्या गैरहजेरीत नवनियुक्त आरोग्य अधिकारी डॉ. राखी माने यांच्याकडून रूग्णांची तपासणी व औषधोपचार